ရန်ကုန်မြို့တော်စည်ပင်သာယာရေးကော်မတီသည် လက်ရှိဖြစ်ပေါ်လျက်ရှိသော COVID-19 ကပ်ရောဂါဆိုးကြီး ကူးစက်ပြန့်ပွားနေသည့် ကာလတွင် ပင်စင်လစာများကို စနစ်တကျ ထုတ်ပေးနိုင်ရေးအတွက် ၂၀၂၀ ပြည့်နှစ် ဧပြီလတွင် ၂၃-၄-၂၀၂၀ ရက်နေ့မှ ၂၉-၄-၂၀၂၀ ရက်နေ့အထိ ခရိုင်(၄)ခရိုင်ခွဲခြား၍ ထုတ်ပေးသွားမည် ဖြစ်ပါကြောင်း အသိပေးအပ်ပါသည်။ အသေးစိတ်အချက်အလက်ကို ကြော်ငြာသင်ပုန်းကဏ္ဍနှင့်ကော်မတီသတင်းကဏ္ဍများတွင် ကြည့်ရှုနိုင်ပါသည်.
ရန်ကုန်မြို့တော်စည်ပင်သာယာရေးကော်မတီ တွင် ၁၅-၃-၂၀၂၀ ရက်နေ့မှစ၍ Low & Medium Risk အဆောက်အဦများသာမက High Risk အပါအဝင် ဆောက်လုပ်ခွင့် အမျိုးအစား အားလုံး၏ ဆောက်လုပ်ခွင့်များအား Online System ဖြင့်စတင်လျှောက် ထားနိုင်ပြီဖြစ်ပြီး ၂၇-၄-၂၀၂၀ ရက်နေ့မှ စ၍ အဆောက်အဦဆောက်လုပ်ခွင့်များအား Online Submission System ဖြင့်သာလက်ခံဆောင်ရွက်သွားမည်ဖြစ်ပါကြောင်း ကြိုတင်အသိပေးအပ် ပါသည်။
ရန်ကုန်တိုင်းဒေသကြီးအတွင်း မြို့နယ်အလိုက်ရောင်းချမည့် မြေကွက်နေရာများကို သက်ဆိုင်ရာ မြို့နယ်စည်ပင်သာယာအုပ်ချုပ်ရေးမှူးရုံးများတွင် သွားရောက်ကြည့်ရှုနိုင်ပါကြောင်းနှင့် ရန်ကုန်တိုင်းဒေသကြီး ကာလတန်ဖိုးစိစစ်သတ်မှတ်ရေးအဖွဲ့မှ မြို့နယ်အလိုက်သတ်မှတ်ထားသောဈေးနှုန်းများကို အခြေပြု၍ ရောင်းချမည်ဖြစ်ကြောင်း အသိပေးအပ်ပါသည်။
မြို့တော်နယ်နိမိတ်အတွင်း မွေးမြူထားသော အိမ်မွေးတိရစ္ဆာန်(ခွေး၊ ကြောင်)များအား ရန်ကုန်မြို့တော်စည်ပင်သာယာရေးဥပဒေနှင့်အညီ မှတ်ပုံတင်ခြင်းကို ဆောင်ရွက်ပေးလျက်ရှိရာ အိမ်မွေးတိရစ္ဆာန်မှတ်ပုံတင်လျှောက်လွှာပုံစံကို ပြည်သူ့ကျန်းမာရေးနှင့်စျေးများလုပ်ငန်းတာဝန်ခံအဖွဲ့၊ တိရစ္ဆာန်ဆေးကုနှင့်အသားထုတ်လုပ်ရုံများဌာန၏ကုသရေးနှင့်ကာကွယ်ရေးဌာနခွဲ(ခရိုင်ရုံး)များ၊မြို့နယ်စည်ပင်သာယာရေးကော်မတီရုံးများတွင်လည်းကောင်း၊ရန်ကုန်မြို့တော်စည်ပင်သာယာရေးကော်မတီ၏ Website၊ ဝန်ဆောင်မှုများကဏ္ဍတွင် Download ပြုလုပ်၍လည်းကောင်း ရယူပြီးလျှောက်ထားနိုင်ပါသည်။
စည်ပင်သာယာနယ်နိမိတ်အတွင်း အဆောက်အအုံများကို ကြီးကြပ်ဆောက်လုပ်ရန်အင်ဂျင်နီယာလိုင်စင်များအား စိစစ်ထုတ်ပေးခဲ့ရာ ၃၁-၃-၂ဝ၁၈ ရက်နေ့တွင် သက်တမ်းကုန်ဆုံးမည်ဖြစ်ပြီး၊ ၁-၄-၂ဝ၁၈ ရက်နေ့မှစ၍ မြန်မာနိုင်ငံအင်ဂျင်နီယာကောင်စီ၊ ဗိသုကာကောင်စီများတွင် မှတ်ပုံတင်ထားသော အင်ဂျင်နီယာ/ဗိသုကာများဖြင့်သာ ကြီးကြပ်ဆောက်လုပ်ခွင့်ပြုမည်ဖြစ်ကြောင်း ၁-၄-၂ဝ၁၈ ရက်နေ့မတိုင်မီ ခွင့်ပြုချက် တင်ပြထားသော ဆောက်လုပ်ခွင့် အမှုတွဲများနှင့် ခွင့်ပြုချက်ရရှိပြီး ဆောက်လုပ်ဆဲ အဆောက်အအုံများတွင် မူလအင်ဂျင်နီယာများဖြင့် ဆောင်ရွက်ဆဲရှိနေသည့် အဆောက်အအုံများအားလုံးအား ၁-၄-၂ဝ၁၉ ရက်နေ့ နောက်ဆုံးထား၍ မှတ်ပုံတင်လက်မှတ်ရအင်ဂျင်နီယာ/ဗိသုကာများဖြင့် ပြောင်းလဲ ဆောင်ရွက်ရန်လိုအပ်ကြောင်း အသိပေးကြေညာအပ်ပါသည်။
YCDC နှင့် JICA တို့ ပူးပေါင်းဆောင်ရွက်သည့် ရန်ကုန်မြို့တော်စည်ပင်နယ်နိမိတ်အတွင်းရှိ အဆောက်အဉီးများ၏ လက်ရှိအသုံးပြုမှု၊အမျိုးအစားနှင့်အထပ်တို့အား ကွင်းဆင်း၍အချက်အလက်ကောက်ခံခြင်းအား ၂၀၁၈ခုနှစ်၊ စက်တင်ဘာလမှစ၍ ဆောင်ရွက်မည်ဖြစ်ပါသဖြင့် မြို့တော်နေပြည်သူများအနေဖြင့် ထိုကွင်းဆင်းဆောင်ရွက်မှုအား ဝိုင်းဝန်းကူညီပံ့ပိုးကြပါရန်အသိပေးနှိုးဆော်အပ်ပါသည်။
မြေငှားစာချုပ်(ဂရန်)သက်တမ်းတိုးဆောင်ရွက်ခြင်းအပေါ် နှစ်အလိုက်ဒဏ်ကြေးသတ်မှတ်မှုအခြေအနေ ၁၀-၃-၂၀၁၄ ရက်နေ့တွင် ကျင်းပပြုလုပ်သည့် ကော်မတီဝင်များအစည်းအဝေးမှတ်တမ်း(၁၀/၂၀၁၄) ဆုံးဖြတ်ချက်အပိုဒ်(က/၄၇)အရမြေငှားစာချုပ်(ဂရန်)သက်တမ်းတိုးအမှုတွဲများတွင် ဂရန်သက်တမ်းပြတ်တောက်ပါက (၁)နှစ်လျှင် ၁ဝဝဝဝဝိ/-(ငွေကျပ်တစ်သိန်းတိတိ) ကောက်ခံရန် ဆုံးဖြတ်ထားမှုအားသိရှိနိုင်ပါရန် အသိပေးနှိုးဆော်အပ်ပါသည်။
ဆက်သွယ်ရေးဝန်ဆောင်မှု လိုင်စင်ရကုမ္ပဏီအချို့သည် ရန်ကုန်မြို့တော်စည်ပင်သာယာရေး ကော်မတီနယ်နိမိတ်အတွင်း Fiber Optic Cable နှင့် ဆက်စပ် ဆက်သွယ်ရေးကိရိယာများ၊Wifi ချိတ်ဆက်မှုကိရိယာများ တပ်ဆင်ချိတ်ဆွဲခြင်းနှင့် ဆက်သွယ်ရေးတိုင်များစိုက်ထူခြင်းတို့ကို တရားဝင် ခွင့်ပြုချက် ရယူခြင်းမရှိဘဲ ဆောင်ရွက်လျက်ရှိကြောင်း စစ်ဆေးတွေ့ရှိ၍ ဆက်သွယ်ရေး ဥပဒေအခန်း(၁၃)၊ ပုဒ်မ(၄၁)အရ ဆောင်ရွက်ရန် ဆက်သွယ်ရေးညွှန်ကြား မှုဦးစီးဌာနမှ အသိပေးထားပြီးဖြစ်ပါသည်။ အသေးစိတ်အား ကော်မတီသတင်းများတွင်လည်းကောင်း၊ ကြော်ငြာသင်ပုန်းတွင်လည်းကောင်း ကြည့်ရှုနိုင်ပါသည်။
ရန်ကုန်မြို့တော်စည်ပင်သာယာရေးကော်မတီသည် အာရှနှင့်သမုဒ္ဒရာဒေသရှိ နိုင်ငံပေါင်း (၂၄)နိုင်ငံ ကိုယ်စားပြု IT Industry အဖွဲ့အစည်းများဖြင့် ဖွဲ့စည်းထားသော Asian-Oceanian Computing Industry Organization (ASOCIO) ၏ ASOCIO ICT Summit 2016 အစီအစဉ်တစ်ခုဖြစ်သော ASOCIO ICT Award 2016 ပြိုင်ပွဲတွင် Digital Government Award အား ရရှိခဲ့ပါသည်။
ရန်ကုန်မြို့တော်စည်ပင်သာယာရေးကော်မတီပိုင် ရေပိုက်လိုင်းများမှ ရေပြတ်တောက်ခြင်း၊ ရေယိုစိမ့်မှု နှင့် ရေပိုက်လိုင်းကွဲထွက်မှုများ ဖြစ်ပေါ်ပါက အမြန်ဆုံးဖြေရှင်းဆောင်ရွက်နိုင်ရန်အတွက် ပြည်သူများအနေဖြင့် အသိပေးဆက်သွယ်နိုင်ပါသည်- ခရိုင်မှူး၊ အရှေ့ပိုင်းခရိုင် (အင်ဂျင်နီယာဌာန (ရေနှင့်သန့်ရှင်းမှု)) -၀၉၅၁၈၈၄၂၈၊ ခရိုင်မှူး၊ အနောက်ပိုင်းခရိုင် (အင်ဂျင်နီယာဌာန (ရေနှင့်သန့်ရှင်းမှု)) -၀၉၇၃၀၀၀၀၅၈၊ခရိုင်မှူး၊ တောင်ပိုင်းခရိုင် (အင်ဂျင်နီယာဌာန (ရေနှင့်သန့်ရှင်းမှု)) -၀၉၅၀၅၄၅၆၅၊ ခရိုင်မှူး၊ မြောက်ပိုင်းခရိုင် (အင်ဂျင်နီယာဌာန (ရေနှင့်သန့်ရှင်းမှု)) -၀၉၅၀၈၁၂၂၉
လုပ်ငန်းလိုင်စင်များနှင့်ပတ်သက်၍ နီးစပ်ရာ AYA Bank နှင့် မြို့တော် ဘဏ်တို့တွင် ငွေပေးသွင်းနိုင်ရန်အတွက် e- ချလံအား e-Mail ဖြင့် ပူးတွဲပေးပို့နိုင်ရေး လုပ်ငန်းရှင်များအနေဖြင့် လိုင်စင်လျှောက်လွှာများတွင် e-Mail လိပ်စာကို မဖြစ်မနေထည့်သွင်းပေးပါရန် အသိပေးကြေငြာအပ်ပါသည်။
ရန်ကုန်မြို့တော်စည်ပင်သာယာရေးကော်မတီမှ မြို့နယ် (၃၃) မြို့နယ်ရှိ မြို့တော်နေပြည်သူများ၏ အရေးပေါ်အခြေအနေ၊ အရေးပေါ်လူနာ၊ Accident cases များအတွက် (Emergency Ambulance Services) များ အခမဲ့ စီစဉ်ပေးထားပါသည်။ အရေးပေါ်အခြေအနေဖြစ်လျှင် ယှဉ်တွဲဖော်ပြပါ နီးစပ်ရာမြို့နယ်ရုံးများရှိ တယ်လီဖုန်းနံပါတ်များသို့ အရေးပေါ် ခေါ်ဆိုနိုင်ပြီ ဖြစ်ပါသည်။
တောင်ဥက္ကလာမြို့နယ်ရှိ စည်ပင်သာယာအရှေ့ပိုင်းခရိုင်ရုံး-
အုပ်စု (၁) - ၀၉-၉၇၇၂၇၅၀၇၁၊ ၀၉-၉၇၇၂၇၅၀၉၁၊ ၀၁-၅၇၁၄၂၉
မင်္ဂလာတောင်ညွန့်မြို့နယ်ရှိ စည်ပင်သာယာတောင်ပိုင်းခရိုင်ရုံး-
အုပ်စု (၂) - ၀၉-၉၇၇၂၇၅၀၇၃၊ ၀၉-၉၇၇၂၇၅၀၉၃၊ ၀၁-၇၀၉၆၁၃
အင်းစိန်မြို့နယ်ရှိ စည်ပင်သာယာမြောက်ပိုင်းခရိုင်ရုံး-
အုပ်စု (၃) - ၀၉-၉၇၇၂၇၅၁၃၄ ၊ ၀၁-၆၄၀၂၁၅
ဆက်သွယ်ရန်
အကြံပြုရန်
ပြန်ကြားစာ
FAQs
YCDC apk
City FM