စျေးများဌာန

ပြည်သူသို့ပေးနေသော၀န်ဆောင်မှုများ

  • ဆိုင်ခန်းအငှါးချထားခြင်း
  • ဆိုင်ခွန်ဆိုင်ခများကောက်ခံခြင်းလုပ်ငန်း
  • အခွန်လွတ်ဈေးများဖွင့်လှစ်ရောင်းချခြင်း
  • ဈေးများသန့်ရှင်းရေးဆောင်ရွက်ခြင်း
  • ဈေးလုံခြုံရေးဆိုင်ရာလုပ်ငန်းများဆောင်ရွက်ခြင်း
  • ဈေးများဆိုင်ရာဆောင်ရွက်မှုများ
  • အခွန်အခအမျိုးအစား၊ နှုန်းထား၊ ကောက်ခံသည့်စနစ်

ဆိုင်ခန်းများအငှားချထားခြင်းလုပ်ငန်း

ရန်ကုန်မြို့တော်စည်ပင်သာယာရေးကော်မတီမှ ချမှတ်ပေးထားသော ဈေးစည်းကမ်းများအရ ဈေးများတွင်မှတ်ပုံတင်ဆိုင်ခန်းများ၊ ယာယီမှတ်ပုံတင်ဆိုင်ခန်းနှုန်းထားများအတိုင်း အငှားချထားစေပြီး ဝန်ဆောင်မှုလုပ်ငန်းများကို ဆောင်ရွက်ပေးလျက်ရှိပါသည်။

နှစ်စဉ်မှတ်ပုံတင်ကြေးကောက်ခံခြင်း

စျေးများဌာနလက်အောက်ရှိ ဈေးအသီးသီးမှ မှတ်ပုံတင်ဆိုင်ခန်းများနှင့် ယာယီမှတ်ပုံတင်ဆိုင်ခန်းများအား ၂၀၁၂ခုနှစ် မှတ်ပုံတင်ကြေးကို ဈေးအဆင့်အလိုက် ကောက်ခံရန်ဖြစ်သည်-

စဉ်

ဈေးအဆင့်

ကောက်ခံမည့်နှုန်း

(က)

ဗိုလ်ချုပ်အောင်ဆန်းဈေး/မင်္ဂလာဈေး

၁၀၀၀၀၀

(ခ)

သီရိမင်္ဂလာဈေး/စံပြငါးဈေး

(ဂ)

ဘုရင့်နောင်စျေး(ဈေးရုံကြီး)

၁၅၀၀၀၀

(ဃ)

ဘုရင့်နောင်စျေး(ဆိုင်ခန်းကြီး)

၄၀၀၀

(င)

မင်္ဂလာဈေးသစ်/မင်္ဂလာမွန်ဈေး

၅၀၀၀

မင်္ဂလာတောင်ညွန့် (ကြက်ဘဲဈေး)

ပုဇွန်တောင်ဈေး/သိမ်ကြီးဈေး(က+ခ)

သိမ်ကြီးဈေး(ဂ)/သိမ်ကြီးဈေး(ဃ)

သိမ်ကြီးဈေး(င)/ညောင်ပင်လေးဈေး/သံဈေး

(စ)

ကျန် 'က' အဆင့်ဈေးများ

၃၀၀၀

(ဆ)

' ခ 'အဆင့်ဈေးများ

၂၅၀၀

(ဇ)

'ဂ' အဆင့်ဈေးများ

၁၅၀၀

(ဈ)

'ဃ' အဆင့်ဈေးများ

၁၀၀၀

စဉ်

အကြောင်းအရာ

ကောက်ခံသည့်နှုန်း (ကျပ်)

(၁)

ဆိုင်ခွန်ဆိုင်ခ(တစ်လ) စျေးအဆင့်နှင့် ဆိုင်ခန်းအကျယ်အဝန်းပေါ်မူတည်၍ ၆၀၀ မှ ၃၅၆၀၀၀ ထိ တိုးမြှင့်ကောက်ခံပါသည်။

(၂)

​ပေကျော်(တစ်လ)

တစ်ပေ ၆၀၀

(စံပြငမိုးရိပ်ဈေး၊ ဗိုလ်ချုပ်အောင်ဆန်းဈေး၊ ညောင်ပင်လေးဈေး၊ သိမ်ကြီးဈေး(A+B)၊ သိမ်ကြီးဈေး(C)၊ သိမ်ကြီးဈေး(D)၊ သိမ်ကြီးဈေး(E)၊ ဘုရင့်နောင်ဈေး၊ လှည်းတန်းဈေး)

ကျန်ဈေးများ

၁ပေ ၄၀၀

(၃)

အကူဈေးသည်ခွန်(တစ်နှစ်)

၁၀၀၀

(၄)

တစ်ဆင့်ငှားခွန် (တစ်လ)

၇၀၀၀ (ဗိုလ်ချုပ်အောင်ဆန်းစျေး၊ မင်္ဂလာစျေး၊ ဗဟိုစံပြငါးစျေး၊ သီရိမင်္ဂလာစျေး၊ ဘုရင့်နောင်စျေး)

  ကျန် 'က'အဆင့်စျေးများ ၃၀၀၀  
  ကျန် 'ခ'အဆင့်စျေးများ ၂၀၀၀  
  ကျန်'ဂ'အဆင့်စျေးများ ၁၀၀၀  

(၅)

ပျံကျကဒ်ပြား

၁၀၀၀

(၆)

ရက်လွန်ဒဏ်ကြေး

၁ဝဝ


ဆိုင်ခွန်ဆိုင်ခများကောက်ခံခြင်းလုပ်ငန်း

ရန်ကုန်မြို့တော်စည်ပင်သာယာရေးကော်မတီမှချမှတ်ထားသောဈေးစည်းကမ်းများအရ ဈေးများတွင်မှတ်ပုံတင်ဆိုင်ခန်းများ၊ ယာယီမှတ်ပုံတင်ဆိုင်ခန်းများကို သတ်မှတ်ထားသော နှုန်းထားများအတိုင်းကောက်ခံပြီး ပျံကျဈေးသည်များကို လစဉ် ပျံကျဈေးကောက် ကဒ်ပြားများဖြင့်ကောက်ခံပါသည်။ ထို့အပြင် ဈေးဆိုင်ခန်းများ သုံးစွဲသော လျှပ်စစ်ဓာတ်အားခများ ကောက်ခံခြင်းကို သတ်မှတ်ချက်များနှင့်အညီ ဆောင်ရွက်လျှက်ရှိပါသည်။


အခွန်လွတ်စျေးများဖွင့်လှစ်ရောင်းချခြင်း

၁။ ရန်ကုန်မြို့နေပြည်သူများ ကုန်စျေးနှုန်းသက်သာစွာဖြင့် ဝယ်ယူစားသောက်နိုင်ရန် ရည်ရွယ်၍ ကိုယ်တိုင်ထုတ်လုပ်သူများ၏ အခွန်လွတ်စျေးများကို စျေးများဌာန၏ ကြီးကြပ်မှုဖြင့် အောက်ပါ နေရာများတွင် ဖွင့်လှစ်ထားပါသည်။

(က)

လှိုင်သာယာမြို့နယ် ၊ လှိုင်သာယာအခွန်လွတ်စျေး

( ခ)

ရွှေပြည်သာမြို့နယ်၊ ရွှေပြည်သာအခွန်လွတ်စျေး

( ဂ)

ဒဂုံတောင်မြို့နယ်၊ ဒဂုံတောင်အခွန်လွတ်စျေး

(ဃ)

ဒဂုံမြောက်ပိုင်းမြို့နယ်၊ ဒဂုံမြောက်အခွန်လွတ်စျေး

( င)

သာကေတမြို့နယ်၊ ရှုခင်းသာအခွန်လွတ်စျေး

( စ)

ကမာရွတ်မြို့နယ်၊ ဟံသာဝတီအခွန်လွတ်စျေး

(ဆ)

ဒဂုံမြို့နယ်၊ ပန်တျာအခွန်လွတ်စျေး၊ ရွှေတိဂုံဘုရားလမ်းနှင့်ပန်တျာလမ်းထောင့်

(ဇ)

မရမ်းကုန်းမြို့နယ်၊ ကုန်းမြင့်သာအခွန်လွတ်စျေး

(စျ)

တာမွေမြို့နယ်၊ တာမွေအခွန်လွတ်စျေး၊ ကျိုက္ကဆံလမ်း။

(ည)

မရမ်းကုန်းမြို့နယ်၊ ဂန္ဓမာအခွန်လွတ်စျေး

၂။ အဆိုပါစျေးများတွင် အခြေခံစားသောက်ကုန်များ၊ ဟင်းသီးဟင်းရွက်နှင့် သားငါး များကို စျေးနှုန်းမှန်ကန်၊ လတ်လတ်ဆတ်ဆတ် ရောင်းချပေးလျက်ရှိပါသည်။ အခွန် လွတ်စျေးများတွင် ရောင်းချလျက်ရှိသော ကုန်ပစ္စည်းများ၏ ရောင်းချမှု အခြေအနေကို ဖော်ပြထားပါသည်။

၃။ အခွန်လွတ်စျေးများ၏ရောင်းဝယ်မှုအခြေအနေ။ အခွန်လွတ်စျေးများတွင် ဆန်ကုန်သည် အသင်းနှင့် ပုဂ္ဂလိကမှ ဆန်၊ ဆီကုန်သည်အသင်းနှင့် ဆန်ကုန်သည် အသင်းဆိုင်မှ စားအုန်းဆီ ၊ မွေး/ရေအဖွဲ့ချုပ်၊ ထုတ်လုပ်ရေးဌာန(စည်ပင်)မှ ကြက်ဥ၊ စံပြငါးစျေး အဏ္ဏဝါရေလုပ်ငန်း၊ ပုဂ္ဂလိကတို့မှ ရေချိုရေငန်ငါး၊ လိုင်စင်စီ၊ မြို့နယ်ထွေ/အုပ်၊ ပုဂ္ဂလိကမှ ဝက်သား၊ အမဲသား၊ ဆိတ်သား၊ ရန်ကုန်တိုင်း စစ်ဌာနချုပ် ၊ မြို့နယ်ထွေ/အုပ်ပုဂ္ဂလိကမှ ကြက်သား၊ ရန်ကုန်တိုင်း စစ်ဌာနချုပ်၊ ဘုရင့်နောင်ပွဲရုံ၊ ကုန်စည်ဒိုင်၊ စျေးများဌာန မိခင်နှင့်ကလေး ၊ ပုဂ္ဂလိကမှ ကုန်ခြောက်၊ စွမ်းအင်ဝန်ကြီးဌာနမှ ဖယောင်းတိုင်၊ စက်မှု(၁)မှ လူသုံးကုန်များ၊ ရန်ကုန်တိုင်း စစ်ဌာနချုပ်၊ လှည်းကူးမြို့နယ် ထွေ/အုပ်၊ မှော်ဘီ-တိုက်ကြီး-နှောကုန်း၊ ညောင်နှစ်ပင်၊ တစ်ဦးချင်း ရောင်းချသူများမှ ဟင်းသီးဟင်းရွက်များ လာရောက် ရောင်းချလျက်ရှိပါသည်။

၄။ အခွန်လွတ်စျေးများအလိုက်စျေးသည်များလာရောက်ရောင်းချမှုမှာ ဟံသာဝတီ၊ တာမွေ၊ ပန်တျာ၊ ဂန္ဓမာစျေးတို့တွင် စျေးသည်(၇၀-၁၅၀)ဦးခန့်၊ ဒဂုံတောင်၊ ဒဂုံမြောက် ၊ ရွှေပြည်သာ၊ လှိုင်သာယာအခွန်လွတ် စျေးတို့တွင် စျေးသည်(၅၀-၇၀) ဦးခန့်နှင့် ကုန်းမြင့်သာ၊ နဝဒေး၊ ရှုခင်းသာအခွန်လွတ်စျေးများတွင်(၁၅-၃၀)ဦးခန့် လာရောက်ရောင်းချပါသည်။ အခွန်လွတ်စျေးများတွင် ရောင်းချသည့် အသား၊ ငါးများ သန့်ရှင်း၍ ကျန်းမာရေးနှင့် ညီညွတ်စေရန်အတွက် ယင်လုံဇကာများသုံးစွဲ၍ ရောင်းချရေး ကြပ်မတ်ဆောင်ရွက်လျက်ရှိပါသည်။


စျေးများသန့်ရှင်းရေးဆောင်ရွက်ခြင်း

၁။ စျေးအသီးသီးတွင်နေ့စဉ်သန့်ရှင်းသပ်ရပ်ရေးအတွက် စျေးတာဝန်ခံများက တာဝန်ယူ ကြီးကြပ်ဆောင်ရွက်ပြီး စျေးအရာရှိများကကြပ်မတ်ဆောင်ရွက်လျှက်ရှိရာ ခရိုင်အသီးသီးတွင် အပတ်စဉ်အထူး သန့်ရှင်းရေးဆောင်ရွက်လျှက်ရှိပါသည်။ စျေးအတွင်း ရေစီးရေလာကောင်းမွန်ရေးအတွက် စျေးအတွင်းရှိရေမြောင်းများ ရှင်းလင်းခြင်း၊ စျေးရှေ့ရေမြောင်းများ ဆယ်ယူခြင်းများ စျေးအသီးသီးတွင် ဆောင်ရွက်လျှက်ရှိပါသည်။ စျေးများသန့်ရှင်းရေးလုပ်ငန်းနှင့် ဆက်စပ်လျှက်ရှိသော ကြွက်သုတ်သင်ခြင်းလုပ်ငန်းများကိုလည်း သက်ဆိုင်ရာဌာနနှင့် ပေါင်းစပ်ညှိနှိုင်း ဆောင်ရွက်ခဲ့သည့်အပြင် စျေးအိမ်သာများ ပိုမိုသန့်ရှင်းရန်အတွက် မိလ္လာကန်များ ပြုပြင်ခြင်း၊ အသစ်တည်ဆောက်ခြင်းနှင့် အိမ်သာများကိုလည်း လိုအပ်သလိုပြုပြင် ဆောင်ရွက်လျှက်ရှိပါသည်။ စျေးများမှသန့်စင်ခန်းများတွင် မိလ္လာပိုက်လိုင်းများ၊ အတွင်းရေပိုက်လိုင်းများ အသစ်တပ်ဆဆင်ခြင်းများ၊ သန့်စင်ခန်းကြွေအိုးများ အသစ်လဲလှယ်ခြင်း၊ ပျက်စီးနေသော တံခါးရွက်များ၊ ကျည်းဘောင်များ အသစ် တပ်ဆင်ခြင်း၊ ရေတိုင်ကီနှင့် ရေစင်များတည်ဆောက်ခြင်း၊ အတွင်းနံရံနှင့် အောက်ကြမ်းခင်းများ ကြမ်းခင်းကွန်ကရစ်ခင်းခြင်း၊ ပျက်စီးနေသော ကြွေပြားများ အသစ်လဲလှယ်ပြုပြင်ခြင်း၊ ဆေးသုတ်ခြင်းများကိုလည်း စျေးများတွင် ဆောင်ရွက်ခဲ့ပါသည်။

၂။စျေးအသီးသီးတွင်သန့်ရှင်းရေးလုပ်ငန်းများအား အရှိန်အဟုန်မြင့်မားရေး အတွက် သန့်ရှင်းရေးဝန်ဆောင်မှုပေးခြင်း အပတ်စဉ် စနေနေ့တိုင်း အထူးသန့်ရှင်းရေးလုပ်အားပေးပွဲများ စီစစ်ဆောင်ရွက်ခြင်းတို့အား ပြုလုပ်လျှက်ရှိပါသည်။ စျေးမှထွက်ရှိသော အမှိုက်များကို သန့်ရှင်းရေးဌာနမှ အမှိုက်သိမ်းယာဉ်များပေါ်သို့ တန်းတင်စနစ်ဖြင့် သိမ်းဆည်းဆောင်ရွက် လျှက်ရှိပါသည်။


စျေးလုံခြုံရေးဆိုင်ရာလုပ်ငန်းများဆောင်ရွက်ခြင်း

၃။ မီးဘေးလုံခြုံရေးဆောင်ရွက်ခြင်း။ စျေးများဌာနလက်အောက်ရှိ အစီရင်ခံသည့် ကာလအတွင်း မီးဘေးလုံခြုံရေးဆောင်ရွက်ထားရှိမှုအခြေအနေမှာ အောက်ပါအတိုင်း ဖြစ်ပါသည်-

(က)

မီးငြိမ်းသတ်သည့်ပစ္စည်းများ ဖြည့်တင်းဆောင်ရွက်ခြင်း။ စျေးများအားလုံးတွင် မီးသတ်ဆေးဗူး Dry chemical (၃၆၆၆)ဗူး၊ အရည်(၁၁၁၀) ဗူး ထားရှိပြီးဖြစ်ရာ စျေးများဌာန အစီအစဉ်ဖြင့် အစီရင်ခံသည့် ကာလအတွင်း စျေး(၄၅) စျေးတွင် Dry chemical ဆေးဗူး(၂၃၀)ဗူး ထပ်မံဖြည့်တင်း ဆောင်ရွက်ခဲ့ပါသည်။ မီးငြိမ်းသတ်ရေး အထောက်အကူ ပစ္စည်းများဖြစ်သော ရေလှောင်ကန် (၂၈) ခု၊ မီးငြိမ်းသတ်စက် (၂၉) ခု၊ ရေစုပ်စက် (၄) ခုတို့ကိုလည်း ဖြည့်တင်း ဆောင်ရွက်ခဲ့ပါသည်။

(ခ)

လျှပ်စစ်မီးလိုင်းများစစ်ဆေးဆောင်ရွက်ခြင်း။ မီးလိုင်းများစစ်ဆေး ပြုပြင်ခြင်း၊ စျေးများရှိလုံခြုံရေးမီးလိုင်းနှင့် ဆိုင်ခန်းသုံး မီးလိုင်းများ သီးခြားခွဲခြား ထားမှုများကို စစ်ဆေးခြင်း၊ နေ့စဉ်စျေးပိတ်ချိန်တွင် ဆိုင်မီးများစနစ်တကျ ပိတ်စေခြင်းတို့ကိုစစ်ဆေး ဆောင်ရွက်ပါသည်။

(ဂ)

မီးဘေးကြိုတင်ကာကွယ်ရေးစစ်ဆေးခြင်း။ စျေးအသီးသီးတွင် မီးလောင်လွယ်သည့် ပစ္စည်းများသိမ်းဆည်းသိုလှောင်ထားရှိမှုများ မရှိစေရန်၊ လျှပ်စစ် မီးများပေါ့ဆစွာသုံးစွဲခြင်းများ မပြုလုပ်ကြစေရန်နှင့် မီးဘေးကာကွယ်ရေးအတွက် အစဉ်သတိရှိစေရန် သတိပေး နှိုးဆော်ချက်များကို အသံချဲ့စက်၊ လက်ကိုင်စကား ပြောစက်များဖြင့် စျေးတိုင်းတွင် နေ့စဉ်စျေးဖွင့်ချိန်နှင့် စျေးပိတ်ခါနီး အချိန်များတွင် ဝန်ထမ်းများမှမပြတ်နှိုးဆော်ကြေငြာခြင်းများ ဆောင်ရွက်လျှက်ရှိပါသည်။ စျေးဆိုင်ခန်းများတွင်အမွှေးတိုင်မီး၊ ဖယောင်းတိုင်မီး၊ ခြင်ဆေးများထွန်းညှိခြင်းမပြုလုပ်ရန်နှင့် စျေးပိတ်ချိန်များတွင် မီးကြွန်းမီးကျန်မရှိစေရေး လှည့်လည်စစ်ဆေးခြင်း၊ ညတာဝန်ကျ အဖွဲ့များမှ ဆိုင်မီးများမိန်ချ၍ လုံခြုံရေးမီးသာဖွင့်စေခြင်းများ နေ့စဉ်စစ်ဆေး ဆောင်ရွက် လျက်ရှိပါသည်။ အမှတ်(၁)စက်မှုဝန်ကြီးဌာန၊ ရန်ကုန်တိုင်းဒေသကြီး စက်မှုကြီးကြပ်ရေးနှင့် စစ်ဆေးရေးဦးစီးဌာနမှ စျေးများဌာန လက်အောက်ရှိ စျေး(၁၇) လျှပ်စစ်အန္တရာယ် ကင်းရှင်းစေရေးအတွက် ရန်ကုန်တိုင်းလျှပ်စစ်စစ်ဆေးရေးအဖွဲ့မှ လျှပ်စစ်သွယ်တန်း တပ်ဆင်အသုံးပြုမှုများကို လျှပ်စစ်ဥပဒေဆိုင်ရာ လုပ်ထုံးလုပ်နည်းများနှင့်အညီ ကွင်းဆင်းစစ်ဆေးခဲ့ပြီး စစ်ဆေးခဲ့သည့်စျေး တစ်စျေးချင်းစီအတွက် ပြုပြင်ဆောင်ရွက်သွားရန်အချက်များ၊ အကြံပြုချက်များအပေါ် လျှပ်စစ်ကျွမ်းကျင်ဝန်ထမ်းများ၏ ကြီးကြပ်မှုဖြင့် စျေးသူစျေးသားများမှ ကိုယ်အားကိုယ်ကိုး ဆောင်ရွက်ရမည့်လုပ်ငန်းများကို စျေးအားလုံးတွင် ဆောင်ရွက်ပြီးဖြစ်ပါသည်။

(ဃ)

အထပ်လွှာများစစ်ဆေးခြင်း။ အထပ်လွှာများရှိသောစျေးများတွင် အထပ်ဆောင်ငှားရမ်း၍ လုပ်ငန်းဆောင်ရွက်နေသော လုပ်ငန်းရှင်များ အားခေါ်ယူ၍မီးဘေးအန္တရာယ်ကင်းဝေးစေရေးအတွက် ကြိုတင်စီမံ ဆောင်ရွက်ရန်အချက်များ မှာကြားခြင်း၊ မီးသတ်ဆေးဗူးများ လုံလောက်စွာ ထားရှိခြင်းရှိ/မရှိ၊ ရေစုကန်များတွင်ရေများ ဖြည့်တင်းထားခြင်း ရှိ/မရှိ၊ လျှပ်စစ်မီးသွယ်တန်းထားရှိမှုများ စနစ်ကျမှု ရှိ/မရှိ၊ MEPE နှင့် EIအဖွဲ့မှ လိုက်နာရန် သတ်မှတ်ထားသော စည်းကမ်းချက်များ လိုက်နာမှု ရှိ/မရှိ တို့အား စဉ်ဆက်မပြတ် စစ်ဆေးဆောင်ရွက်လျှက် ရှိပါသည်။

(င)

အ​ထွေထွေ။ စျေးအသီးသီးရှိစျေးရုံကြားလမ်းများတွင် စျေးသည်များ၊ ပျံကျဆိုင်များ ပိတ်ဆို့မှုမရှိစေရေးနှင့် မီးလောင်လွယ်သောအမိုးများ ဖျက်သိမ်း ရှင်းလင်းခြင်းကို ဆောင်ရွက်လျှက်ရှိပါသည်။ စျေးကြီးများရှိ စက်လှေခါး၊ ဓာတ်လှေခါးများ အသုံးမပြုသည့်အချိန်တွင် လျှပ်စစ် ဓာတ်အား လည်ပတ်မှုကို ယာယီဖြတ်တောက်ထားခြင်းများ ဆောင်ရွက်လျှက်ရှိပါသည်။


စျေးများဌာနမှ ကောက်ခံလျက်ရှိသော အခွန်အခအမျိုးအစား၊ နှုန်းထား၊ ကောက်ခံသည့်စနစ်

စျေးများဌာနရှိစျေးအသီးသီးတွင် ကောက်ခံလျက်ရှိသော အခွန်အခ အမျိုးအစား (၁၆)မျိုး ရှိပါသည်။

ဆိုင်လခ

မှတ်ပုံတင်ဆိုင်ခန်းများနှင့် ယာယီမှတ်ပုံတင်ဆိုင်ခန်းများ၏ ဆိုင်လခများကို (၃)လ တစ်ကြိမ် ကွန်ပျူတာပြေစာများဖြင့် ပုံနှိပ်ပြီး လစဉ်ကောက်ခံ ပေးသွင်း ပါသည်။ ဆိုင်ခန်း အကျယ်အဝန်းတို့အပေါ်မူတည်၍ အနိမ့်ဆုံး ကျပ် ၆၀၀ မှ အမြင့်ဆုံး ၃၅၆၀၀၀ ထိ သတ်မှတ်ထားရှိပါသည်။

မီတာခ

စျေးဆိုင်ခန်းများတွင် အသုံးပြုသည့် လျှပ်စစ်မီးအမျိုးအစားပေါ်မူတည်၍ မီတာခများကို အနိမ့်ဆုံး ကျပ် ၁၅၀၀ မှ အမြင့်ဆုံး ကျပ် ၄၂၁၈၈ ထိ တောင်းခံလွှာပြေစာများ ရိုက်နှိပ်ပြီး လစဉ်ကောက်ခံလျက်ရှိပါသည်။ ဌာနဝင်ငွေရဆိုင်ခန်းများ၊ သန့်စင်ခန်းများတို့တွင် ဆပ်မီတာများတပ်ဆင်၍ သတ်မှတ်သည့် နှုန်းထားများအတိုင်း တွက်ချက်ကောက်ခံလျက်ရှိပါသည်။

ပျံကျကတ်ပြား

စျေးအတွင်းရှိ အမြဲတမ်း​​ရောင်းချသည့် ပျံကျစျေးသည်များကို စဉ်ပျံကျ ကတ်ပြားများဖြင့် ကောက်ခံပြီး ကတ်ပြားတစ်ခုလျှင် ၁၀၀၀ နှုန်းသတ်မှတ်ထား ပါသည်။

ရွက်ဆုတ်ပြေစာ

စျေးအတွင်း တစ်ခါတရံ လာရောက်ရောင်းချသည့် ပျံကျစျေးသည်များကို စျေးတာဝန်ခံ များမှ နေ့စဉ်ရွက်ဆုတ်ပြေစာများဖြင့် ကောက်ခံပါသည်။ ယခင်က ကန်ထရိုက်စနစ်ဖြင့်လည်း ၂၀၁၁ ခုနှစ်၊ ဇွန်လမှစ၍ စျေးတာ၀န်ခံများမှ ဆောင်ရွက်လျှက်ရှိပြီး (၄×၄)ပေ တစ်နေရာ အတွက် ၅ဝိ/-နှုန်း သတ်မှတ် ကောက်ခံပါသည်။

နှစ်ရှည်​မြေ/အဆောင်ငှားရမ်းခ

စျေးများတွင် လစ်လပ်သည့်အဆောင်နေရာများ၊ မြေနေရာများကို နှစ်ရှည် ငှားရမ်းခြင်းဖြစ်ပြီး Use Premium နှင့် လစဉ်ငှားရမ်းခများဖြင့်ကောက်ခံပါသည်။

ဌာနဝင်ငွေရဆိုင်/မြေ/လုပ်ငန်းငှားရမ်းခ

စျေးများတွင်လစ်လပ်သည့်အဆောင်နေရာများ၊ မြေနေရာများကို နှစ်ရှည်/ နှစ်စဉ် ငှားရမ်းခြင်းဖြစ်ပြီး လစဉ်ငှားရမ်းခများ ကောက်ခံပါသည်။

နှစ်စဉ်မှတ်ပုံတင်ကြေး

မှတ်ပုံတင်ဆိုင်ခန်းများနှင့် ယာယီမှတ်ပုံတင်ဆိုင်ခန်းများကို နှစ်စဉ်ဒီဇင်ဘာလတွင် ပြန်လည်မှတ်ပုံတင်ပြီး မှတ်ပုံတင်ကြေးများ ကောက်ခံပါသည်။ မှတ်ပုံတင်ကြေးကို စျေးအဆင့် ပေါ်မူတည်၍ သတ်မှတ်ထားရှိပါသည်။

ဆိုင်ခန်းချငွေ

စျေးအသီးသီးရှိ လစ်လပ်ဆိုင်ခန်းများအား အငှားချထားရာတွင် သတ်မှတ်ထားသည့် အခွန်ငွေများကောက်ခံပါသည်။ ဆိုင်ခန်းချနှုန်းများမှာ အောက်ဖော်ပြပါ အတိုင်းဖြစ်ပါသည်။

(က)

မှတ်ပုံတင်ဆိုင်ခန်း။'က' အဆင့်စျေးများတွင် ဆိုင်လခ+ပရီမီယံကြေး(ဆိုင်လခ၏အဆ၃၀)+အာမခံကြေး(ဆိုင်ခန်း၏ အကျယ်အလိုက်ကောက်ခံပါသည်) ကျန်စျေးများရှိ ဆိုင်ခန်းများကို အာမခံကြေးမပါ အထက်ပါ နှုန်းထားများအတိုင်းကောက်ခံပါသည်။

(ခ) ယာယီမှတ်ပုံတင်ဆိုင်ခန်း။ စျေးအဆင့်အားလုံးတွင် ဆိုင်လခ+ပရီမီယံကြေး (ဆိုင်လခ၏ ၁၅ဆ)+ မှတ်ပုံတင်ကြေး ကောက်ခံပါသည်။

ဆိုင်ခန်းတည်ဆောက်ခ

အဆင့်မြင့်စျေးများတွင် ဆိုင်ခန်းများချထားရာ၌ စျေးတည်ဆောက်မှု ကုန်ကျစရိတ်ပေါ်မူတည်၍ သတ်မှတ်ထားခဲ့သည့် ဆိုင်ခန်းတည်ဆောက်ခငွေများကို ဆိုင်ခန်းချထားရာတွင် ထည့်သွင်းကောက်ခံခြင်းဖြစ်ပါသည်။ စျေးအလိုက် ဆိုင်ခန်းတည်ဆောက်ခငွေ ကွဲပြားပါသည်။

အမည်ပြောင်းခ

အငှားချထားသည့်ဆိုင်ခန်းများမှ ဆိုင်ငှားအမည်ပြောင်းလဲပေးရန် လျှောက်ထားလာပါက သတ်မှတ်ချက်နှင့် ညီညွတ်မှု ရှိ/မရှိ အဆင့်ဆင့်စိစစ်ပြီး ကိုက်ညီမှုရှိပါက သတ်မှတ် အခွန်အခများ ကောက်ခံ၍ အမည်ပြောင်းလဲပေးပါသည်။ စျေးအဆင့်အလိုက်၊ ဆိုင်ခန်း အဆင့်အလိုက် အောက်ဖော် ပြပါအတိုင်း သတ်မှတ် ကောက်ခံပါသည်။

(က)

မှတ်ပုံတင်ဆိုင်ခန်း။ 'က'အဆင့်စျေးများတွင် ဆိုင်လခ+ပရီမီယံကြေး (ဆိုင်လခ၏ အဆ၃၀) + နှစ်စဉ်မှတ်ပုံတင်ကြေး + အာမခံငွေ ( ဆိုင်ခန်း၏အကျယ်အလိုက် ကောက်ခံပါသည်) + ဒဏ်ငွေ + ဝန်ဆောင်မှုစရိတ်တို့ ကောက်ခံပါသည်။ ကျန်စျေးများရှိ ဆိုင်ခန်းများကို အာမခံငွေမပါ အောက်ပါနှုန်းထားများ အတိုင်းကောက်ခံပါသည်။

(ခ)

ယာယီမှတ်ပုံတင်ဆိုင်ခန်း။ စျေးအဆင့်အားလုံးတွင် ဆိုင်လခ+ ပရီမီယံကြေး(ဆိုင်လခ၏၁၅ဆ)+ နှစ်စဉ်မှတ်ပုံ တင်ကြေး+ဒဏ်ငွေ+ ဝန်ဆောင်မှုစရိတ်တို့ ကောက်ခံပါသည်။

တစ်ဆင့်ငှားရမ်းခ

ဆိုင်ငှားအမည်ပေါက်ထံမှတဆင့်ငှားရမ်း၍ စျေးရောင်းချသူများကို သတ်မှတ် ထားသည့် တဆင့်ငှားရမ်းခများ လစဉ်ကောက်ခံပါသည်။ စျေးအလိုက်ကောက်ခံ လျက်ရှိစသာ နှုန်းထားများမှာ ဗိုလ်ချုပ်အောင်ဆန်းစျေး၊ မင်္ဂလာစျေး၊ ဗဟိုစံပြငါးစျေး၊ သီရိမင်္ဂလာစျေး၊ ဘုရင့်နောင်စျေးတို့တွင် တစ်လ ၇၀၀၀၊ ကျန် 'က'အဆင့် စျေးများ ၃၀၀၀၊ 'ခ'အဆင့်စျေး ၂၀၀၀ နှင့် 'ဂ'အဆင့်စျေး ၁၀၀၀ တို့ဖြစ်ပါသည်။

အကူစျေးသည်

စျေးဆိုင်ခန်းတွင် ဆိုင်ငှား(သို့) တဆင့်ငှားရောင်းချသူများမှအပ အကူစျေးရောင်းသူများကို အကူစျေးသည်ခွန်များတစ်နှစ် တစ်ကြိမ်ကောက်ခံပါသည်။ တစ်ဦးလျှင် တစ်နှစ်အကူ စျေးသည်ခွန် ၁၀၀၀ ကောက်ခံပါသည်။

ပေကျော်ခွန်

ခွင့်ပြုထားသည့် ဆိုင်ခန်းအကျယ်အဝန်းထက် ပိုမိုခင်းကျင်းခွင့်ပြုထားသော နေရာ အတွက် အကျယ်အဝန်းပေါ်မူတည်၍ ပေကျော်အခွန်ကိုလည်း လစဉ် ကောက်ခံပါသည်။ စျေးအဆင့်အလိုက် ကော်ခံသည့်နှုန်းထားများမှာ စံပြငမိုးရိမ်စျေး၊ ဗိုလ်ချုပ်အောင်ဆန်းစျေး၊ ညောင်ပင်လေးစျေး၊ သိမ်ကြီးစျေး(A+B)၊ သိမ်ကြီး စျေး(D)၊ သိမ်ကြီးစျေး(E)၊ ဘုရင့်နောင်စျေး၊ လှည်းတန်းစျေးတို့တွင် ပေကျော်(၁)ပေ လျှင်တစ်လ ၆၀၀နှင့် ကျန်စျေးများတွင် ၄၀၀ကောက်ခံပါသည်။

ဆိုင်းဘုတ်ခွန်

စျေးဆိုင်ခန်းဧရိယာအတွင်း၊ စျေးရုံအတွင်းနှင့် စျေးအတွင်းတွင် မိမိဆိုင်ခန်း၏ ကြော်ငြာများ ချိတ်ဆွဲရန် တင်ပြလာသူများကို စိစစ်ခွင့်ပြုပေးပြီး သတ်မှတ်ထားသည့် ဆိုင်းဘုတ်ခွန်ကောက်ခံပါသည်။ ထို့ပြင် စျေးကြီးများ၏ ရှေ့မျက်နှာစာများတွင် ကော်မတီခွင့်ပြုချက်ဖြင့် စိုက်ထူထားသောကြော်ငြာ Bill Board များကို အင်ဂျင်နီယာဌာန (အဆောက်အအုံ)၏ သတ်မှတ်နှုန်းထားအတိုင်း ဆိုင်းဘုတ်ခွန်ကောက်ခံပြီး စျေးအတွင်း ဆိုင်ခန်းများ ရှေ့ဆိုင်းဘုတ်များကို တစ်နှစ်(၁)စတုရန်းပေလျှင် ၃၀၀ နှုန်းကောက်ခံပါသည်။

သန့်စင်ခန်းဝင်ခ

စျေးများရှိ သန့်စင်ခန်းများကို လေလံစနစ်ဖြင့်လည်ကောင်း၊ BOTစနစ်ဖြင့် လည်းကောင်း၊ ကန်ထရိုက်စနစ်ဖြင့် လည်းကောင်း ဆောင်ရွက်လျက်ရှိပြီး သန့်စင်ခန်းဝင်ခကို တစ်ဦးလျှင် ၅၀နှုန်းကောက်ခံလျှက်ရှိပါသည်။

ယာဉ်ဝင်ခ

ယာဉ်ဝင်ခကောက်ခံရာတွင် ယာဉ်အရွယ်အစားနှင့် ယာဉ်ရပ်နားမှုကြာမြင့်ချိန်ပေါ်မူတည်၍ ကျပ် ၁၀၀ မှ ကျပ် ၁၅၀၀ အထိ ကောက်ခံလျက်ရှိပြီး အချို့စျေးကြီးများတွင် ယာဉ်ဝင်ခကောက်ခံ ခြင်းလုပ်ငန်းကို လေလံ၊ ဝန်ဆောင်၊ BOT စနစ်များဖြင့် ဆောင်ရွက်စေလျက်ရှိပါသည်။